பிரியாவிடை

விட்டு விடுத‌லையாகிப் ப‌ற‌க்க‌த் தொட‌ங்குகிறேன்
கீழே நின்று துப்பாக்கியால் குறி வைக்கிறாய்
சுடுவ‌தானால்...

என் கால்க‌ளைச் சுடு;
நான் த‌ரையிற‌ங்க‌வே விரும்ப‌வில்லை

என் க‌ண்க‌ளைச் சுடு;
அக‌க்க‌ண்ணின் வ‌ழிகாட்ட‌லில் காற்றின் திசைய‌றிவேன் நான்

என் வயிற்றில் சுடு;
எரியும் இதய‌த்தின் குருதி குடித்துப்
ப‌சியாறும் வ‌ழிய‌றிவேன்

என் சிற‌குக‌ளை ம‌ட்டும் சுட்டுவிடாதே...
இன்னொரு யுக‌ம் காத்திருக்க‌ வேண்டும் நான்.

என் இனிய‌ மீட்ப‌ர்!

வேலி தாண்டி ஓடி விளையாடிய கல்லா மண்ணாக்கள்,
குப்புற‌க் கிட‌ந்து தரை தேயக் கிறுக்கிய சித்திரங்கள்,
"ரெட், ப்ளூ, கிரீன்..."ஆடிய ஸ்கிப்பிங் கயிறுகள்,
சோப்புத் தண்ணீர் கலக்கி ஊதிய கலர் குமிழ்கள்,
தையற்கடையில் துண்டுத் துணி பொறுக்கித் தைத்த பொம்மைச் சட்டைகள்,
தாயாகும் த‌குதி வந்ததும் இழ‌ந்த இதையெல்லாம்...
தாயான‌ பிற‌கு மீட்டெடுக்கிறேன், க‌ண்ணே உன்னாலே!