கனவுகளின் காதலி

தயவு செய்து என் கண்களுக்கு எதிரில் வந்து நின்று விடாதே.
நான் உனக்காகவே வைத்திருக்கும் கண்ணாடியின் முன் வந்து நில்.
அதன் மூலம் மட்டுமே உன்னைக் காண விரும்புகிறேன்.
என் கண்ணாடியில் நீ எப்போதும் அழகு.

உன் கண்ணாடியை உடைத்து உன் எதிரில் வந்து நின்றது முதல் என்னைப் பார்க்கவே மறுத்து விட்டாயே?
அந்த நிலை எனக்கு வேண்டாம். நான் உன்னைக் காண வேண்டும்.
ஆனால், தயவு செய்து என் கண்களுக்கு முன் வந்து விடாதே.

கனவுகளும் பிம்பங்களும் நாம் வாங்கி வந்த வரங்கள்.
உண்மையைத் தேடுவது வீண் வேலை.
ஓவியத்தைக் கலைத்து வெற்றுத் திரையை நோக்குவானேன்?