வாசம்

பருவத்தில் தோன்றி உதிர்ந்த மலர்களை
ஆழத் தோண்டி ஆங்கே புதைத்து வைத்தேன்;
நெடுங்காலம் சென்றபின் அன்றொரு நாள் ந‌டுநிசியில்
யாரும் காணாமல் அக‌ழ்ந்தெடுத்து நுக‌ர்ந்தேன்
ம‌ண்ணுக்குள்ளே க‌னியாகி ம‌துவாகிக் கிட‌ந்த‌து;
ஒரு போதும் அருந்திடவே இய‌லாதென்றாலும்
மூடுவதிலும் திற‌ப்பதிலுமே போதையேறிப் போகிற‌து.

சிதறல்கள் - 07/05/10

மகள் மொழி

தாய்மொழியை மீண்டும் அரிச்சுவடி முதல் ப‌‌யில்கிறேன்.

உன் மழலையில் ஒவ்வொரு சொல்லும் புத்தம்புதிதாக...

தூக்குத் தூண்டில்

ப‌சியே இல்லாத‌ மீனைப் பிடிக்க,

ம‌ணிக்க‌ண‌க்காய்த் தூண்டிலிட்டார் - பின்

மீனுக்கு வைத்திருந்த‌ புழுக்க‌ளையே

ப‌சி தாங்காம‌ல் தின்று செத்தார்!

வ‌லைச்ச‌ர‌த்தில் என‌து இந்த‌க் க‌விதையையும் (கவிதை என்றே குறிப்பிட்டு!) அறிமுக‌ப்ப‌டுத்தி இருக்கிறார் பா.ராஜாராம். மகிழ்ச்சியையும் அவ‌ருக்கு என‌து ந‌ன்றியையும் தெரிவித்துக் கொள்கிறேன்.