வேலை, படிப்பு, அன்றாட அலுவல் தவிர
தினந்தோறும் கிறுக்குத் தனமாய்த் தேடுவது
தொலைந்து போன நினைவுகளை
மீட்டெடுக்கும் விதமாகத் தேடித் தேடித் தோற்பது
எல்.கே.ஜீ யில் தூக்கி வைத்துச்
சோறூட்டிய டீச்சரின் பெயரை
ரத்னபாலா பாலமித்ரா பழைய இதழ்கள் கிடைக்கும் இடங்களை
அமைதியான ஞாயிறொன்றில் தூக்கக் கலக்கத்துடன்
அம்மா மடியில் படுத்துக் கொண்டே பார்த்த
சோகமான மராத்திப் படத்தை
'எனிமி' என்று கருதிக் மல்லுக் கட்டி நின்றவன்
ஜுரத்தில் நான் படுத்த மறுநாள்
ஆளே மாறிய கூச்சத்துடன்
கணக்கு நோட்ஸ் கொண்டு வந்தானே
கள்ளமில்லா அந்த பால்ய சினேகத்தை...
Obsessed with the past என்பார்களே - அது இது தானா?
