சுயதரிசனம்

புதையல் வேட்டை நடந்தது;
ஆளாளுக்கு முனைந்து தேடியதில்
வைரங்கள் கிடைத்தது ஓரிருவருக்கே;
கண்ணாடிக் கற்களை அள்ளிப் புதையல் என்று
சிரித்து நின்றனர் சிலர்;
குடிக்கத் தண்ணீராவது கிடைக்கட்டும் என்று
கிணறு வெட்டக் கிளம்பினர் சிலர்;
தூர் மட்டும் வாரி அமைதியாய்ச் சென்றனர் சிலர்;
ஆழத் தோண்டி அகப்பட்ட கண்ணாடியில்
முகம் மட்டும் பார்த்த திருப்தியில் நான்.